Говь-Алтай аймгийн Есөнбулаг сумын ЗДТГ-аас санаачлан хэрэгжүүлж буй “Хотын өнгө-Бидний оролцоо” аянд тус аймаг дахь Шүүхийн тамгын газар нэгдэж, өнөөдөр /2021.06.25/ шүүхийн байрны гадна хашааг будаж, өнгө үзэмжийг нь сайжрууллаа.

Мөн Монгол Улсын Ерөнхийлөгчийн 2010 оны \"Мод тарих үндэсний өдрийг зарлах тухай\" 63 дугаар зарлигийн хүрээнд жил бүр өөрсдийн багахан хувь нэмрийг оруулж мод тарьдаг ба 2021 онд шүүхийн байрны гадна талбайд 20 ширхэг хайлаас мод шинээр тарьж, цэцгийн мандалд цэцэг тарьж, өмнө жилүүдэд тарьсан моддын хөрсийг сайжруулан, өдөр тутамд усалгаа хийж, ногоон байгууламжаа нэмэгдүүлж байна. 

Үүний хажуугаар шүүхийн байрны орчмын 50 метр газрыг цэвэрлэж, хогийг хогийн цэгт хүргэж, машины зогсоолын тэмдэглэгээг будаж, шүүгч, ажилтнууд болон шүүхээр үйлчлүүлэгч иргэдийн эрүүл, аюулгүй орчинд ажиллаж, үйлчлүүлэх эрхийг хангах үйл ажиллагааг хэрэгжүүлж ажилласан байна. Цаашид тохижилт үйлчилгээний чиглэлээр тодорхой ажлууд хийхээр төлөвлөөд байна.