Тус Шүүхийн Тамгын газар нь 2021 онд орон нутгийн радио, телевиз, хэвлэл мэдээллийн байгууллагуудтай хамтран ажиллах гэрээ байгуулан, шүүн таслах ажиллагааны болон бусад мэдээ, мэдээллийг тухай бүрт хэвлэл мэдээллийн хэрэгслээр дамжуулан иргэд, олон нийтэд хүргэх зорилттойгоор ажиллаж байна.

Энэ удаагийн уулзалтаар Говь-Алтай аймгийн нийгэм, улс төр, мэдээллийн тогтмол хэвлэл болох “Их Алтайн мэдээ” сониныг эрхлэн гаргадаг “Алтайн мэдээ” агентлагийн төлөөллийг хүлээн авч, 2 байгууллагын хамтран ажиллах гэрээний хэрэгжилтийн талаар болон цаашид хэрхэн ажиллах чиглэлийг тодорхойлж ярилцлаа.