Шүүхийн Тамгын газрын 2021 оны үйл ажиллагааны төлөвлөгөө болон 6 дугаар сарын ажил хариуцсан багийн ажлын төлөвлөгөөнд тусгагдсаны дагуу төрийн захиргааны албан тушаалтнуудад шаардлагатай мэдээллийн эрэлт хэрэгцээг үндэслэн Засгийн газрын 2020 оны 218 дугаар тогтоолоор батлагдсан “Төрийн жинхэнэ албан хаагчийн гүйцэтгэлийн төлөвлөгөөг боловсруулж, батлах, ажлын гүйцэтгэл, үр дүн, мэргэшлийн түвшинг үнэлэх журам”-ын хүрээнд өнөөдөр /2021.06.10/ мэдээлэл хийлээ.

Шүүхийн үйлчилгээний хэлтсийн дарга Ц.Баярцэцэг төлөвлөгөө боловсруулах, тайлагнахад анхаарах асуудал, албан хаагчийн ажлын гүйцэтгэл, үр дүн, мэргэшлийн түвшинг үнэлэх ажиллагаа, үнэлгээний үр дагаврын талаар танилцуулж, журмын хүрээнд харилцан ярилцаж, асуусан асуултад хариулсан юм.