Шүүхийн 4 дүгээр сарын ажил хариуцсан багийн төлөвлөгөөнд тусгагдсаны дагуу Шүүхийн тамгын газрын ажилтнуудын хөдөлмөрийн сэтгэл ханамжийн өнөөгийн бодит байдлыг судалж, сэтгэл ханамжийг сайжруулах талаар зөвлөмж боловсруулах зорилгоор хөдөлмөрийн сэтгэл ханамжийн судалгааг явууллаа.

Судалгаанд Шүүхийн тамгын газрын нийт 25 ажилтан хамрагдсан ба ажлын сэтгэл ханамж, хамт олон, цалин хөлс, удирдлага, карьер өсөлт, гадны нөлөөлөл гэсэн агуулгын хүрээнд судалгаа авсаныг нэгтгэн, дүн шинжилгээ хийж, өнөөдөр /2021.04.09/ нягтлан бодогч бөгөөд 4 дүгээр сарын ажил хариуцсан багийн гишүүн Э.Баярмагнай танилцууллаа.

Хувь хүмүүс байгууллагын орчинд ямар үйл хөдлөл, харилцаа хандлага, зан төлөв гаргаж байгааг сэтгэл ханамжийн судалгаанаас харах боломжтой. Сэтгэл ханамж өндөр байх нь ажилтны ажлын гүйцэтгэлд эерэгээр нөлөөлдөг, ажилтнууд хувь хүний зүгээс ажиллаж байгаа байгууллагаасаа болон удирдлагаасаа юу хүсэн хүлээдэг, ямар хэрэгцээгээ хангуулах бодолтой байдаг, хэрхэн өөрсдийгөө үнэлүүлэх хүсэлтэй байгааг мэдэж болно.